Eng yirik aloqa operatori “Beeline” “Uchinchi avlod-2016” dasturining barcha saralash bosqichlaridan muvaffaqiyatli o‘tgan ishtirokchilar kompaniyada amaliyot o‘tashga kirishmoqdaliklari haqida xabar beradi. 2015 yildan boshlab dastur “VimpelCom”ning “Make Your Mark” global loyihasi doirasida bo‘lib o‘tmoqda.
Bu yili Toshkent Axborot texnologiyalari universiteti, Halqaro Vestminster universiteti, Toshkentdagi Singapur menejmentni rivojlantirish universiteti va Toshkent Davlat yuridik universiteti va M.V. Lomonosov nomidagi Moskva Davlat Universiteti talabalari “Uchinchi avlod” amaliyotchilariga aylandilar. Tijorat, texnik, axborot texnologiyalari, yuridik xizmatida “Beeline”ning amaliyot o‘tash dasturi ochildi.
Voqeani sharhlar ekan, “Unitel”ning hodimlar bilan ishlash va jamoani rivojlantirish bo‘yicha direktori Sofiya Gaynutdinova shunday dedi: “Sakkiz yildan beri “Beeline” yosh va iqtidorli yoshlarning rivojlanishi uchun noyob imkoniyatlar yaratib kelmoqda. Ishonaman, biz tanlagan amaliyotchilar kasbiy yuksakliklarga yetishish uchun barcha kuchlarini to‘playdilar”.
Eslatib o‘tamiz. amaliyot o‘tash bir yil davom etib, ikkita bosqichdan tashkil topadi. Birinchi bosqich iyundan avgust oyigacha davom etib, talabalarga ta’til paytida tanlangan bo’linmalarda to’liq bandlik bilan stajirovkani o’tishga imkon beradi. Amaliyot o‘tash dasturining ikkinchi bosqichiga o’zlarini yaxshi tomondan ko’rsatgan, ko’proq darajada samarali bo’lgan talabalar o’tadi. Ular kompaniyada 2017 yilning iyun oyigacha, ham ishlab, ham o’qish imkoniyatini ta’minlagan holda, mahsus moslashtirilgan grafik bo’yicha ishlashni davom ettiradilar.
