We cover the news of Uzbek culture: theater, movies, music, history, literature, education, and more. |
|
|
25.04.2017 / 16:23:28
USENET 2017 panel munozarasi doirasida so'm tariflariga o'tish istiqbollari muhokama qilindiBugun, 25 aprel kuni, “International Hotel Tashkent” mehmonxonasida “Beeline”ning homiylik qo‘llab-quvvatlashi asosida “Ledokol Group” agentligi tarafidan tashkillashtirilgan “USENET 2017” digital-konferensiyasi bo‘lib o‘tmoqda. Ishtirok etish uchun 2 000dan ziyod kishi ro‘yhatdan o‘tgan yilning asosiy digital-voqeasida O‘zbekiston Respublikasi axborot texnologiyalari va kommunikatsiyalarini rivojlantirish bo‘yicha vaziri Sherzod Shermatov mehmonlarga salomlashuv so‘zi bilan murojaat etdi.
Tantanali ochilish marosimidan so‘ng anjumanning asosiy maydonchasida O‘zbekiston Respublikasi axborot texnologiyalari va kommunikatsiyalarini rivojlantirish bo‘yicha vazir o‘rinbosari Umidjon A’lamov va “Unitel” MChJ Bosh direktori Dmitriy Shukov ishtirokida panel munozara boshlandi. Mobil keng polosali kirishning rivojlanishi va 2017-2021 yillarda 4G va 5G standatrlarini joriy qilish bosqichlari munozara mavzusiga aylandi.
Savollar va javoblar sessiyasi doirasida operatorlar va Axborot texnologiyalari va kommunikatsiyalarini rivojlantirish bo‘yicha vazirlikning o‘zaro munosabatlari haqida zaldan savol berildi.
“Sohani tartibga soluvchi bilan bizning birgalikdagi faoliyatimizning muhim va istiqbolli yo‘nalishlaridan biri – bu baza stansiyalarining legalizatsiya qilish muddatlarini qisqartirishdir, – dedi Dmitriy Shukov. – Albatta, bu sifatga zarari tegmasdan amalga oshirilishi lozim, ammo rasmiylashtirish tartibi ayni paytda qabul qilingan 6-9 oydan kam bo‘lgan vaqtni olishi zarur. Bu bugungi kunda ahamiyatga ega bo‘lmagan va umuman sohani rivojlanishini sekinlashtiradigan sanitar qoidalar va me’yorlarga ham taalluqlidir”.
Savolga javob berar ekan, Axborot texnologiyalari va kommunikatsiyalarni rivojlantirish bo‘yicha vazirlikning faoliyati operatorlarning samarali ish yuritishlariga qaratilganligini Umidjon A’lamov belgilab o‘tdi. Iloji bor joyda sohani tartibga soluvchi kompaniyalar antennalarini ishga tushirish jarayonini tezlashtirishga harakat qilmoqda. Bundan tashqari, vazirlik baza stansiyalardan bo‘lgan nurlanish darajasini 2,5 mkVt/sm2 eskirgan me’yoridan (AKT rivojlanishi yuqori darajada bo‘lgan mamlakatlarda bu ko‘rsatgich 20-30 barobarga ko‘pligini nazarga olgan holda) voz kechishga harakat qilmoqda.
Hulosa sifatida vazir o‘rinbosari yil so‘ngiga qadar O‘zbekistondagi mobil operatorlar va internet-provayderlar xizmatlarni milliy valyuta evaziga amalga oshirishlari haqidagi yechim joriy etilishi haqida aytib o‘tdi. “Bunga o‘tish juda katta mablag‘ni talab qiladi, – dedi Umidjon A’lamov. – Lekin, harakatlar strategiyasiga muvofiq, milliy valyutada tarifikatsiya qilishga hamma o‘tadi: ham mobil operatorlar, ham intenet-provayderlar. Yechim yil so‘ngiga qadar ishlab chiqariladi va keyingi yil amalga oshiriladi”.
|
|