Мы освещаем новости культуры Узбекистана: театр, кино, музыка, история, литература, просвещение и многое другое.

Ru   En

Поиск по сайту
Главная Панорама Вернисаж Театр
Кинопром
Музыка Турбизнес Личная жизнь Литература Мир знаний
04.07.2016 / 10:08:43

Бағри кенг, нурли Тошкент хусусида ҳужжатли фильм


Ўн тўрт бола, ўн тўрт миллат, турли ўн тўрт от,

Шоаҳмаднинг фарзанди деб танилган авлод.

Бу гулзорлар, бу ҳовузлар. боғлар, боғчалар,

Алланелар эслатади бу кенг кўчалар...

-Нима кўрдинг, Тошкентда?

- Меваларнинг аслини,
Доим қуёш фаслини,

Қуёш бунда иззатда.

Мақсуд Шайхзода

 

... Бугун тафаккури, дунёқараши мустақиллик йилларида шаклланган авлод пайдо бўлди. Ёшларимизнинг юриш-туришига, илмга чанқоқлиги-ю, жаҳон миқёсида фикрлашига қойил қоласиз. Институт талабаси у ёқда турсин, коллеж ўқувчиси ҳам иқтисодиёт, сиёсат, чет тилини сиз ва биздан яхши билади! Дунё воқеаларидан – қаерда нотинчлиг-у, қаерда уруш бўлаётганлигидан чуқур хабардор – замонавий ахборот компьютер технологияларининг “розеткасидан кириб, антеннасидан чиқиб кетади”. Бу авлодга ҳавас қилса арзийди. Бироқ... бироқ ўсиб келаётган ёш авлодда миллий қадриятларга, урф-одатларга ҳурмат ҳисси қай даражада?!..

Яқинда “Фаввора-фильм” хусусий киностудиясининг ижодий жамоаси  (сценарий муаллифи Борис Бабаев, режиссёр Ҳожимурод Валиев, оператор Абдулла Тўлаганов, ғоя муаллифи Келдиёр Хўжаёров) томонидан суратга олинган “Бағрикенг Тошкент” ("Большое сердце Ташкента") ҳужжатли фильми халқимизнинг қон томирига сингиб кетган меҳр-оқибат, эзгулик қилиш учун ҳатто ўз жонини аямаслик, бир бурда нонини ҳам ўзи оч қолса-да ўзгаларга илиниш сингари фазилатлари хусусидадир. Фильмдаги баъзи воқеалар ундаги сўзга чиққувчилар хорижда яшаганликлари туфайли хорижлик операторлар Семен Кацив (Исроил), Александр Клепалов (Россия), Роман Кайков (АҚШ) томонидан ўзга мамлакатларда кинотасмага муҳрланган. Гарчанд, ҳужжатли фильм жараёнида сўзга чиққанлар Иккинчи Жаҳон урушининг гувоҳи бўлиб, эвакуация пайтида асраб олинган ўша пайтдаги болалар бўлишса ҳам, бош қаҳрамон сифатида ўзбек халқи намоён бўлади ҳамда унинг маънавий жасорати, бағри кенглиги инсонларнинг ёдномаларида зуҳур айланган.

Иккинчи Жаҳон уруши бошлангач, 1,5 миллиондан ортиқ қочқинлар собиқ Иттифоқ мамлакатларидан Ўзбекистонга тўрт йил мобайнида эвакуация қилинган, шулардан 2500 таси яҳудий миллати фарзанди бўлган. Ўзбек халқи 400 000 дан ортиқ болани қабул қилиб олиб, баъзи хонадонлар ҳатто етим болаларни ўз фарзандидек асраб олган. Буларнинг барчаси анчайин дардли гаплар. Уруш пайтида ўзи оч-наҳор бўлса-да, ўзгалар фарзандини ўз фарзандидек асраб олиш, оқ ювиб, оқ тарашга фақат инсофли, диёнатли халқгина қодир бўлади. Халқнинг паст-баландини кўрган, иссиққа ҳам, совуққа ҳам бардош берган отахон ва онахонлар билан ҳозирги тўқчилик, юртимиздаги фаровонлик, тинчлик-хотиржамлик замонида яшаётган бўлсак-да, ор-номус, андиша нега тобора камайиб, “дефицит” бўлиб бораётганлиги ҳақида кўп бора суҳбатлашганман. Суҳбат жараёнида шунга амин бўлдимки, қаҳатчиликда ҳам, уруш йилларидаги очарчиликда ҳам одамлар ҳар қанча машаққатга қарамай ор-номус, инсоф, андиша, сабр-қаноат деган нарсани унутмаган. Назаримда ҳозир айнан сабр-қаноат тушунчаси хиралашган кўринади. “Бир болага етти қўшни ота-она” тушунчаси нафақат болаларни тергашга нисбатан, балки меҳр кўрсатишга нисбатан ҳам ишлатилган. Шунга кўра, халқ ўз миллатлигини, уюшганлигини “меҳмон отангдек улуғ” (инсонлар уруш тугашига қатъий ишонишган), “бир майизни қирқ бўлиб ейиш” тамойилига қатъий амал қилиб, ўзи бошпана берган ўзга миллатларнинг ҳурмат-эътиборини қозонган. Фильм воқеаларининг кадрлари  50-60 йил аввалги “кечаги кун” ҳамда мустақиллик давридаги 25 йил ичидаги “бугунги кун” орқали ёнма-ён, алмаштирилиб намойиш қилинади. Бу эса томошабинга  давр нуқтаи-назаридан қиёслаш имконини яратади.

Ҳужжатли фильмда нутқ ирод этган ҳайкалтарош Яков Шапиро, ёзувчи Дина Рубина, бир пайтлар Ўзбекистон қишлоқ ва сув хўжалиги вазири ўринбосари бўлган Аркадий Нисневич, хонандалар Россия халқ артисти  Иосиф Кобзон,  Ўзбекистон халқ артисти Изро Малаков, сухандон Галина Мельникова, профессор Акмал Саидовлар халқимизнинг юқорида келтириб ўтилган фазилатларини далиллар билан сўзлашди. Ҳужжатли фильмдаги баъзи воқеаларсюжети Шуҳрат Аббосовнинг “Тошкент-нон шаҳри”, “Сен етим эмассан” каби фильмлардан лавҳалар да акс этган. Айниқса, ўзбегимнинг аяси Лутфихоним Саримсоқованинг “Сен етим эмассан” фильмидаги, “Агар уруш-уруш ўйнайдиган бўлсаларинг, ўт тушсин бундай ўйинга!...” дея асраб олинган болаларга берган танбеҳи, бугунги кунда сиёсатчилар ўйлаб топаётган “катталар ўйини”га нисбатан хитоб-ҳайқириқдек янграйди. Шоир Ғафур Ғуломнинг “Сен етим эмассан” шеъридаги мисралар қуёш барчага баробар нур сочганидек, инсоният ҳам барча болажонларга меҳр тафти бериши зарурлиги, тинчлик қадрига етиш шартлигини уқтираётгандек бўлади гўё.

Қилинган яхшилик барибир қачонлардир юзага чиқади.  “Бағрикенг Тошкент” ("Большое сердце Ташкента") ҳужжатли фильми халқимизнинг меҳр тафтидан баҳраманд олган инсонларнинг миннатдорчилик туйғусига йўғрилган, халқимиз маънавий фазилатларидан биринигина намоён қилган фильм деб ҳисоблайман.  Зеро, давлатимизда маънавият масаласи давлат сиёсати даражасига кўтарилгани бежиз эмас. Маънавияти суст жамият охир-оқибат таназзулга юз тутади. Мамлакатимизнинг кундан-кун гуллаб-яшнамоқда, Наврўз, Мустақиллик каби байрамларни тарғиб қилувчи тантанали маросимлар мунтазам ўтказилмоқда, шунга кўра инсон маънавиятини юксалтирувчи бир қатор ишлар ҳам амалга оширилмоқдаки;  маънавиятни аждодлардан авлодларга етказиш, етказганда ҳам заха қилмай, бутун қиммати, теран моҳияти билан англатиш учун ушбу ҳужжатли фильм қайсидир жиҳатдан хизмат қилади, деб умид билдирамиз.

Алалхусус, гапнинг индааллосини Ўзбекистондаги Россия ҳамкорлик ташкилотининг раиси Виктор Шуликанинг қуйидаги сўзлари билан якунлаймиз: “Бу фильмни, ҳамма, айниқса, ёш авлод уруш ҳақидаги бор ҳақиқатни билиши учун кўриши шарт. Фильмнинг бош қаҳрамони ўзбек халқидир. Айнан, шу халқ, айнан, шу инсонлар Иккинчи Жаҳон уруши пайтида Европа мамлакатлари бугунги кунда ўз мамлакатлаига Суриядан келаётган сиёсий қочқинлардан кўпроқ юз мингдан ортиқ инсонларни қабул қилиб; бошпана-уй-жой, озиқ-овқат билан таъминлаган”. Раиснинг бу сўзлари ҳамдўстлик давлатида миллатимиз хусусида “бонг ураётганлар” учун назари ибрат бўлса ажаб эмас.

Нигора УМАРОВА





Другие материалы рубрики

03.07.2016 / 12:08:55

"БОЛЬШОЕ СЕРДЦЕ ТАШКЕНТА"

Так назван фильм, презентация которого состоялась 28 июня в Национальной библиотеке Узбекистана. Пронзительная по своему драматизму история о том, как в начале Второй мировой войны в Узбекистане нашли спасение тысячи эвакуированных людей, снята ташкентской студией "Фаввора-фильм". Далее...

30.06.2016 / 19:37:44

Киноповесть "Большое сердце Ташкента" впечатляет и радует (мысли вслух после презентации нового документального фильма)

Премьера фильма "Большое сердце Ташкента" состоялась 28 июня, а душа до сих пор не может отвлечься и успокоиться. И в череде дел нового дня, в обычных повседневных заботах постоянно ловишь себя на мысли том, что снова и снова обращаешься к увиденному на экране и услышанному в большом конференц-зале Национальной библиотеки Узбекистана им. А. Навои. Далее...

30.06.2016 / 19:31:24

Хитойда "Ўзбек киноси кунлари" фестивали

Шу кунларда Хитой Халқ Республикасининг Пекин, Шанхай ва Сиан шаҳарларида "Ўзбек киноси кунлари" фестивали ўтказилмоқда. Маданий тадбирнинг тантанали очилиш маросими 28 июнь куни соат 18:00да Пекин шаҳрида бўлиб ўтди. Далее...

29.06.2016 / 20:53:32

Больше, чем просто кино: презентация фильма "Большое сердце Ташкента" прошла в столице

На презентацию документальной ленты "Большое сердце Ташкента" в Национальную библиотеку Узбекистана пришло много людей. Зал был полон практически до отказа, и собравшиеся зрители с нетерпением ожидали первых кадров. Среди присутствующих – создатели фильма, драматурги, сценаристы, участники, кинокритики и пользователи библиотеки. Далее...

26.06.2016 / 23:11:03

В столице республики 28 июня состоится премьера документального фильма "Большое сердце Ташкента"

В столице республики 28 июня состоится премьера документального фильма "Большое сердце Ташкента" Он будет показан в конференц-зале Национальной библиотеки Узбекистана им. А. Навои. Новая картина впервые в полной мере повествует об одной из важных страниц истории Узбекистана, когда узбекский народ, в самом начале Второй мировой войны, принял полтора миллиона беженцев из оккупированных гитлеровцами районов России, Украины и Белоруссии и создал все условия для их спасения и жизни в нашем благодатном крае Далее...





28.03.2024 / 16:52:52
В Международном караван-сарае культуры Икуо Хирояма завершилась фотовыставка "Шелковый путь , заполненный светом"
 
27.03.2024 / 12:32:55
Фонд развития культуры и искусства Узбекистана сообщает о создании Национального павильона Узбекистана во Всемирной выставке Expo Osaka 2025
 


29.03.2024 / 11:28:42
"Дни открытых дверей" в Большом театре Узбекистана им. А.Навои украсил вокальный вечер-композиция "Мир оперных арий и дуэтов"
 
29.03.2024 / 11:18:53
Поздравляем художественного руководителя ГАБТ имени А. Навои Абдуллу Алимова с вручением нагрудного знака "Маданият ва сан'ат фидокори".
 


28.03.2024 / 14:34:38
Большой успех учеников республиканской музыкальной школы им. Успенского на Международном конкурсе юных исполнителей в Бишкеке
 
28.03.2024 / 09:56:10
Профессор Виталий Львович Мелкомини. Рыцарь служения музе искусств
 


27.03.2024 / 12:44:53
В Ташкенте состоялась конференция, посвященная памяти выдающегося ученого-востоковеда, просветителя и педагога Александра Шмидта (1871 - 1939г).
 
26.03.2024 / 13:41:36
Внимание, дорогие друзья и коллеги! Новое заседание Клуба "Интеллектуал" состоится в субботу, 30 марта с.г., в нашем зале библиотеки им. А.Навои. Начало, как всегда, в 16 часов. Прошу готовиться. И до скорой встречи!
 

 





Главная Панорама Вернисаж Театр Кинопром Музыка Турбизнес Личная жизнь Литература Мир знаний

© 2011 — 2024 Kultura.uz.
Cвидетельство УзАПИ №0632 от 22 июня 2010 г.
Поддержка сайта: Ташкентский Дом фотографии Академии художеств Узбекистана и компания «Кинопром»
Почта: Letter@kultura.uz
   

О нас   Обратная связь   Каталог ресурсов

Реклама на сайте