"Beeline" – USENET 2017 xalqaro digital-konferensiyasining Bosh homiysi

“Beeline” 25 aprel kuni “International Hotel Tashkent” mehmonxonasida bo‘lib o‘tadigan va bir necha mamlakatdan kelgan ma’ruzachilarni jamlaydigan USENET 2017 xalqaro digital-konferensiyasining Bosh homiysi bo‘ldi.

Tadbir yangi uslubda bo‘lib o‘tadi: ikki parallel sessiya, davra suhbati va tadbir maydonchasida yana ko‘plab qiziqarli faolliklar bo‘lib o‘tadi.

Voqeani sharhlar ekan, “Unitel” MChJ bosh direktori Dmitriy Shukov shunday dedi: “O‘tgan yili uzoq tanaffusdan keyin qaytgan USENET O‘zbekistonning raqamli kun tartibidagi kutilgan voqeaga aylandi. Bugungi kunda bu IT va telekom sohasidagi eng yirik xalqaro konferensiya bo‘lib, yuzlab yuqori tajribali professionallarni birlashtirgan va yangi g‘oyalarning nafaqat muhokama qilinishi, balki paydo bo‘lishi kuzatiladigan maydonchadir. “Beeline” respublika uchun noyob bo‘lgan tadbirning ikki yildan beri bosh homiysi bo‘lib kelayotganidan g‘ururlanamiz., shu bilan biz iqtisodning eng texnologik sohalarini rivojlantirish uchun turtki bermoqdamiz”.

O‘tgan yillardagi kabi, konferensiyani “Ledokol Group” kompaniyasi tashkillashtirdi. USENET 2017 O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, "Elektron hukumat" tizimini rivojlantirish markazi va UZINFOCOM Markazi qo‘llab-quvvatlashi asosida o‘tkazilmoqda. Bosh homiy — Beeline Uzbekistan. Konferensiya homiylari: “Click” mobil banking tizimi, “Odnoklassniki” ijtimoiy tarmog‘i. Bosh axborot homiysi — Yandex.

USENET 2017 asosiy mavzulari: digital-iqtisodiyot, elektron komissiya, mobile, zamonaviy reklama texnologiyalari, bozor o‘lchovlari, marketing, media va PR. Konferensiyada mazkur sohaga oid tadbirlarda muntazam ravishda va muvaffaqiyatli ishtirok etib kelayotgan mutaxassislar  qatnashishadi.

Tafsilotlar – http://usenet.uz/ saytida.