Beeline"da amaliyot o'tash uchun arizalar qabuli yakunlandi

Eng yirik aloqa operatori “Beeline” mamlakatning III va IV kurs talabalari uchun “Uchinchi avlod-2017” amaliyot o‘tash dasturida ishtirоk etish uchun so‘rovlarni yig‘ishni yakunlagani haqida xabar beradi. 

Hammasi bo‘lib yuzdan ziyod ariza topshirilgan, ularning ichidan 45 nafar nomzod ikkinchi bosqichga o‘tdi. Ikkinchi bosqich - test natijalariga ko‘ra eng ko‘p ball to‘plagan talabalar xodimlarni tanlash bo‘yicha mutaxassis va bo‘lg‘usi rahbari bilan suhbatga taklif qilinadilar.

Eslatib o‘tamiz, 2017 yilda dasturning IX mavsumida 2009 yildan shu kunga qadar ishtirokchilarning eng ko‘p soni qabul qilinadi: 22 kishi "Beeline"ning tijorat direksiyasi, texnik direksiyasi, axborot texnologiyalari direksiyasi, jamoa bilan ishlash va tashkiliy rivojlantirish direksiyasi, shuningdek “Beeline”ning strategik  loyahalari direksiyasida amaliyot o‘tash ochilgan.

Amaliyot natijalari bo‘yicha eng muvaffaqiyatli talabalarga oliygohdagi o‘qish bilan kelishtirilgan holda individual ish tartibi, kelajakda esa – “Beeline”da doimiy ish o‘rni taklif qilinadi.