| Мы освещаем новости культуры Узбекистана: театр, кино, музыка, история, литература, просвещение и многое другое. | 
|
|
|
 |
|
16.03.2019 / 14:51:36
"HUMO ARENA" МАЖМУАСИНИНГ ТАНТАНАЛИ ОЧИЛИШИ МАРОСИМИ МЕҲМОНЛАРИ ВА ИШТИРОКЧИЛАРИ НАВРЎЗ БАЙРАМИ ТАДБИРЛАРИ БИЛАН ТАНИШАДИЛАР Наврўзга бағишланган ранг-баранг байрам тадбирлари 14 март куни Тошкент вилоятининг Оҳангарон вилоятида бўлиб ўтди. «Humo Arena» муз саройининг тантанали очилиши маросими арафасида тадбир меҳмонлари ва иштирокчилари, шунингдек маҳаллий ва хорижий ОАВ вакиллари Ўзбекистон Электрон оммавий ахборот воситалари ассоциацияси, Тошкент вилояти ҳокимлиги ҳамда «Sevimli» телеканали ташаббуси билан ташкиллаштирилган мазкур Наврўз миллий байрами тадбирларида иштирок этдилар.
Ташкилотчилар томонидан илгари сурилган ғояга кўра, турли мамлакат вакилларининг Наврўз тадбирларида иштирок этиши узоқ тарихга эга бўлган ўзбек халқининг қадриятлари ҳақида чуқурроқ тасаввурга эга бўлиш имконини беради.
Халқ сайлининг барча иштирокчилари байрам тадбирларида иштирок этиш, полвонлар беллашувини кузатиш, «Ёр-ёр» ва «Ўланлар» айтишувларида қатнашиш ва албатта баҳорнинг шоҳ таоми ҳисобланган сумалак тайёрлаш жараёни қатнашчиларига айланишлари мумкин. Ахир, халқимизда кимки сумалак тайёрлашда иштирок этса, йил давомида омад унга ёр бўлади, деган нақл бежиз айтилмаган. Байрам тадбирларига уларнинг иштирокисиз бирон маҳаллий тадбирлар ўтказилишини тасаввур этиб бўлмайдиган масхарабоз-дорбозларнинг чиқишлари янада завқ-шавқ бағишлайди.
Наврўз руҳи ва таассуротлари меҳмонлар қалбидан жой олишида, албатта кириб келаётган йилнинг тўкинлиги, фаровонлиги рамзи бўлган миллий таомлар билан безатилган дастурхоннинг аҳамияти катта.
Оҳангарон туманида ўтказиладиган байрам тадбирларига зеб берадиган омиллардан бири миллий ҳунармандчилик намуналари кўргазмасидир. Бунда тадбир иштирокчилари ўймакорлар, кулоллар ҳамда чармга бадиий ишлов берувчи усталарнинг ишлари билан яқиндан танишиш имконига эга бўладилар. Шунингдек, Ўзбекистон заминига хос бўлган ранг-баранг сўзаналар, ҳунармандларнинг зардўзлик ишлари ва шу каби бошқа буюмлари тадбирга янада нуфуз бағишлаши табиий. Оҳангаронда ўтказиладиган тадбирлар унинг иштирокчилари учун бир неча йилларга татигулик таассуротлар улашиши шубҳасиз.
«Humo Arena» мажмуаси матбуот хизмати
|  |
|
||||||||||||||||||||||||||
