Мы освещаем новости культуры Узбекистана: театр, кино, музыка, история, литература, просвещение и многое другое. |
|
|
02.09.2017 / 09:59:00
ВАТАНИМСАН СЕН МЕНИНГКиндик қоним тўкилган, Ватанимсан сен менинг. Илк овозим таралган, Товушимсан сен менинг... Тупроғингдан яралдим, Тоғу-тошим сен менинг. Тўғри йўлни кўрсатган, Жиловдорим сен менинг. Хато қилсам кечирган, Беминнатим сен менинг. Менга илк бор сут берган, Она диёрим менинг... Ўзга юртлар бегона, Тожу тахтим сен менинг. Диёрингда улғайдим, Боғбонимсан сен менинг... Илк қаламни бахшида, Айлатганим сен менинг. Оқ-қорани танитган, Зеҳниятим сен менинг... Дўсту ёрни бахшида, Айлатганим сен менинг. Дийдорингга тўймаслар Ўзбекистоним менинг... Алишмасман борлиққа Бир ҳовуч тупроғингни, Не-не зотлар ўлкаси Чаманзорим сен менинг... Дунёларга маърифат, Тарқатганим сен менинг. Илк тиббиёт кашф айлаб, Даҳоимсан сен менинг... Таърифга сўз етмагай, Тарихимсан сен менинг. Даҳоларнинг даҳоси, Қиблагоҳим сен менинг... Даҳоларга беланчак, Комилимсан сен менинг. Тарихингни ўқисам, Кўзда ёшим сен менинг... Ким эканинг англаб-да, Ҳукмронлик қилдилар Адиблари қатағон, Айланганим сен менинг... Кўкси қалқон, меҳрибон, Ўзбегимсан сен менинг. Улуғлардан улуғсан, Ўзбекистоним менинг... Мангуберди руҳини, Шод айлаган сен менинг. Майдонларда тик турган, Чавандозим сен менинг... Келажакка соф қадам, Ташлаганим сен менинг. Ишонгайман мен сенга, Ишонганим сен менинг... Сенга доим мен содиқ, Содиғимсан сен менинг. Ҳидларингга тўймаслар, Райҳонимсан сен менинг... Қани эди фарзанд бўлиб Пойингга гуллар эксам. Остонаси тиллодан, Ватанимсан сен менинг... Сенга душман тош отса, Жилмайганим сен менинг. Кўкси қалқон меҳрибон, Ўзбегимсан сен менинг... Меҳри дарё Сардорга Эга ўлкам сен менинг. Ҳеч енгилмас Ватаним - Ўзбекистоним менинг!
Муҳаммадсардор Тилланазаров
|
|