| Мы освещаем новости культуры Узбекистана: театр, кино, музыка, история, литература, просвещение и многое другое. | 
|
|
|
 |
|
09.11.2021 / 13:42:41
III Тошкент халқаро амалий санъат биенналеси бошланди 8 ноябрь куни Ўзбекистон Бадиий академиясининг Марказий кўргазмалар залида 3-Тошкент халқаро амалий санъат биенналесининг очилиш маросими бўлиб ўтди. Биенналени Ўзбекистон Бадиий академияси раиси Акмал Нур очиб берди.  — Барчангизни Ўзбекистон Бадиий академияси томонидан ўтказилаётган “Замонавий амалий-безак санъати: безак ва услуб” номли III Тошкент халқаро амалий санъат биенналесида кўриб турганимиздан беҳад мамнунмиз,— деди раис Акмал Нур. — Aнъанавий тарзда ўтказиб келинаётган биеннале миллий анъаналарни асраб-авайлаш, замонавий амалий санъат намуналарини халқимиз ва жаҳон ҳамжамиятига тақдим этиш, унутилиб бораётган халқ анъаналари ва замонавий амалий санъатда рўй бераётган долзарб жараёнларни ўрганиш орқали турли халқлар ўртасидаги дўстлик ва ҳамкорлик ришталарини мустаҳкамлашга қаратилган. Беш кун давомида санъат ихлосмандлари дунёнинг 18 та мамлакатидан ташриф буюрган амалий санъат усталарининг беназир санъат намуналаридан баҳра олиб, ижодий мулоқот ва ҳамкорликни йўлга қўйиш имконига эга бўладилар.  Тошкент халқаро амалий санъат биенналеси Санъатнинг жамиятимиздаги ўрнини юксалтиришга хизмат қилади. Шу ўринда мамлакатимиз ва давлатимиз томонидан биенналени юқори савияда ўтказиш учун яратилган шарт-шароитлар ҳақида алоҳида тўхталиш лозим, деб ўйлайман. Ушбу Биенналенинг давлатимиз бюджетидан қўллаб-қувватланиши мамлакатимиз ва шахсан президентимиз Шавкат Миромонович Мирзиёевнинг санъат ва маданият соҳасига кўрсатаётган улкан ғамхўрлиги рамзи, деб биламан, — дея таъкидлади нотиқ.  Биенленинг очилиш маросимида ижро этилган куй-қўшиқлар, концерт дастури, миллий ва замонавий либослар намойиши барчага манзур бўлди.
|  |
|
||||||||||||||||||||||||||
